Barrett-Jackson аукцион үйі Lamborghini Diablo VT родстерінің сауда нәтижесін жариялады. Көлік 1.1 миллион долларға сатылды. Бұл аукционда саудаға шыққан Diablo VT арасында рекордтық баға болды. Сауданың қызуына суперкардың алғашқы иесінің тұлғасы әсер етті. Машинаны АҚШ-тың болашақ президенті Дональд Трамптың арнайы тапсырысы бойынша 1997 жылы жасаған.
Трамп үшін жасалған Lamborghini Diablo VT-дің техникалық сипаттамасында ерекшелік болмады. Родстер 5 сатылы механикалық қорабымен үйлесетін 5.7 литрлік V12 моторымен (492 а.к.) және толық жетекпен жабдықталған. Алғашқы жүздікті шамамен 4 секундта еңсереді.
Сатушылар бұл көлікті бірегей деп есептейді. Өйткені 1997 жылғы Diablo VT шанағы мұндай түсте шықпаған. 1990 жылдардың екінші жартысында Дональд Трамп пен Lamborghini компаниясының арасында ерекше қарым-қатынас болды, сондықтан родстерге тапсырыс беруші ерекше реңк таңдай алды. Ол Blu Le Mans деп аталады. Суперкарда Donald Trump 1997 Diablo деп жазылған арнайы тақтайша бар.
Автомобильдің бұл ерекшеліктері баға рекордын орнатуға себеп болғаны екіталай. Diablo VT үшін талас Трамптың жаңалықтарда белсенді шығып жүргеніне байланысты болуы мүмкін.
Нарық сарапшылары бұл Diablo VT-дің бағасын орынсыз деп санайды. Модельдің бірдей шақырым жүрген басқа нұсқалары әдетте 300-400 мың долларға өтеді. Былтыр қарашада АҚШ-тағы онлайн-аукциондардың бірінде 520 мың долларға сатылған, бірақ 27 жастағы родстер шамамен 2.4 мың шақырым жүрген, «уақыт капсуласы» десе болады.
Комментариев: 0