Дубай полицейлері қытайлық кроссовер мінеді

Қымбат көлік мінгенді жөн көретін Дубай полициясының автопаркінде небір суперкар мен гиперкар бар, тіпті тәртіп сақшылары үшін арнайы жасалған Giath Smart Patrol сияқты бірегей модельдер де жетеді. Енді бұл қатарға қытай маркасына тиесілі машина қосылды. Қызметтік көлік атанған SUV Hongqi E-HS9-дың күштік құрылымы 551 ат күшін береді.

Басқа экзотикалық темір тұлпарлар сияқты Hongqi де туристер көп жүретін аудандарда қызмет етеді. E-HS9-ға 8 саны бар нөмір тағыпты, бұрын осындай нөмірлі «Авентадор» көзге түскен.

Марка Hongqi E-HS9 моделін Дубай жұртына 2019 жылы таныстырған. Бағасы 490 мың дирхамнан (133 мың доллар) басталады.