Мобильді құрылғылар шығаратын калифорниялық өндіруші бір жыл бұрын Hitch Hotel кемперін нарыққа шығарды. Терезелері бар 109 келілік жиналмалы бокс жол талғамайтын көліктің не кроссовердің артқы бөлігіне бекітіледі. Ішіне екі ересек адам еркін жайғаса алады.
Телескоптық микрокемпер елдің көңілінен шығып, көп сатылды. Енді компания жеңіл көлікке тіркелетін түрін ұсынды. Сәл нығайтылған қорапқа 12 дюймдік қос дөңгелек орнатылып, біршама ауырлаған кемпер толыққанды тіркемеге айналды. Онымен 130 км/сағ жылдамдықпен 250 кг жүк тасымалдауға болады.
Hitch Hotel Traveller деп аталатын жиылмалы бөлменің төбесінде вентиляциялық люк бар, сонымен қатар, ол USB-слотпен, 12 вольттік резеткімен жабдықталған, болашақта салқындатқыш орнатылуы да мүмкін. Бағасы 5.7 мың доллардан басталады.
Комментариев: 0