«Әлемдегі ең жылдам» автоүй BMW M3-тен қымбат тұрады

АҚШ-та жылдам жүруден рекорд жаңарту мақсатында арнайы жасалған дөңгелекті үй сатылады. Бонневиль тұзды көлінде сағатына 196 км жылдамдықпен жүйткіген жеті жүз ат күші бар үш осьті автобус 95 000 долларға бағаланып отыр. Солтүстік Америкада толық жетекті BMW M3 Competition-ді 82 600 долларға алуға болады.

Ерекше «суперкар» — 1977 жылғы зауыттық GMC Kingsley кемпері. Бірақ иесі дөңгелекті үйлер арасында жылдамдық рекордын жаңарту үшін машинаны Vehicle Effects ательесінің басшысы Деннис Маккартиге тапсырған. Ол «Форсаж» фильміне арнап бірнеше спорткар құрастырған атақты ателье болатын.

1 / 6

• 
• 
• 
• 
• 
• 

1 / 6

Шеберлер «суперүй» ішіндегі барлық жиһаз бен жабдықты алып тастады. Бос шанақтың ішкі жағын жұқа алюминиймен қаптап, толық өлшемді қауіпсіздік қаңқасын орнатты. Барлық дөңгелекке дискілі тежеуіш қойып, аспаға жаңа пневматикалық элемент қосқан, шанақтың аэродинамикасын жақсартып, жүргізушіге арнап жарыс кабинасын жабдықтады.

1 / 5

• 
• 
• 
• 
• 

1 / 5

700 ат күшін беретін Chevrolet Ram Jet 520 моторы жарысқа арналған автоматпен жұмыс істейді. Сондай-ақ автоүй айнала шолу камерасы және өрт сөндіру жүйесімен жабдықталған. Нәтижесінде «суперкар» иесі бұрынғы жылдамдық рекордын (165 км/сағ) жаңартты, бірақ ол дөңгелекті үйін әу бастағы мақсатында пайдалана алмайтын болды. Дегенмен машинаға жалпыға арналған жолда жүруге рұқсат берілген.

Сатушы «әлемдегі ең жылдам» автоүй деп сәл артық айтып жіберген сияқты. Бұл GMC Бонневиль тұзды көлінде жылдам жүруден ғана рекорд жаңартқан, ал әлемдік рекорд басқа көлікке тиесілі. 2014 жылы британиялық Саймон Робинс Fiat фургонына негізделген шағын кемпердің жылдамдығын сағатына 227.35 км-ге жеткізіп, Гиннес рекордтар кітабына енген. Оның үстіне ол екі кісіге арналған кереует, ас үй және әжетханасы бар нағыз дөңгелекті үйге отырып, осынша жылдам жүйткіді.