Дизель Қазақстан азаматы мен шетелдікке бірдей бағаға сатылады

Министрлік баға шектеу жөніндегі жаңа бұйрық жобасын eGov.kz порталының «Ашық НҚА» бөлімінде жариялады. Құжатқа сай бензин бағасы өзгермейді, АИ-80-нің 1 литрі — 89 теңге, АИ-92-нің литрі 205 теңге тұрады. Бірақ шенділер дизель отынын Қазақстан азаматына да, шетелдік жүргізушіге де 295 теңгеге сатуды жоспарлап отыр.

2022 жылғы тамыздан бастап елдегі жанармай құю бекеттері дизельді шетел азаматына 450 теңгеден, ал жерлестерімізге 295 теңгеден саудалап жатыр. Жаңа бұйрық жобасының авторлары содан бері дизель саудасы едәуір азайып, мұнай базалары мен мұнай өңдеу зауыттарында отын қоры көбейгенін хабарлады.