Онлайн-агрегатордың әлеуметтік желідегі ресми парақшасында «Біз күнделікті өмірді ыңғайлы етуді мақсат етеміз, сондықтан жолаушылар мен серіктестер үшін өте ыңғайлы сервис ұсынғымыз келеді. Өкінішке орай, біз Қазақстанда мұны іске асыра алмаймыз, соған байланысты DiDi 2022 жылғы 4 наурызда жұмысын тоқтатады», — деп жазылған. 4 наурызға дейін қызмет әдеттегі режимде көрсетіледі.
Қытайлық DIDI біздің елге былтыр жазда келді. Бастапқыда компания арзан бағасымен және жүргізушілерден табысының аз бөлігін сұраумен клиент тартқан, алайда көп ұзамай құны өсіп, нашар көліктермен адам тасыды. DIDI-дің кептелісті сылтауратып артық ақша алуы, картадан жаңылып, көлікті мүлде басқа мекенжайға жіберуі де жұрттың ызасын келтірді. Оның үстіне, келеңсіз жағдайда клиенттерімен кері байланыс орната алмаған сервистің елден кетуі таңғалдырмайды.
Комментариев: 0