Пленарлық отырыста ҚР премьер-министрі Асқар Маминге сенат депутаты Георгий Ким жол қозғалысын реттеушілерге ала таяқты қайтару жөнінде ұсыныс тастады. Оның айтуынша, мұндай сауалға БАҚ беттеріндегі жаңалықтарды талдау мен тәртіп сақшыларын бірнеше рет көлік қағу деректері негіз болған.
Жол қозғалысын реттеушілер жақсырақ көрінсін деген мақсатта ІІМ бекіткен жарыққа шағылысатын кеудеше, қолға тағатын манжет пен биялайдың пайдасы болмай тұр. Сол себепті депутаттар тәртіп сақшыларына ала таяқты қайтарып, оны тек жол қозғалысын реттеу мақсатында қолдануға рұқсат беру керек екенін алға тартты.
Естеріңізге сала кетейік, қазақстандық полицейлер ала таяқтан үш жыл бұрын айрылып, көшедегі қозғалысты «қолмен» реттеуге міндеттелген. Нәтижесінде, қараңғы мезгілде олардың нұсқауларын түсіну қиындап кетті.
Комментариев: 0