Демалыс күндері елдің батысында жол апатынан 20 адам көз жұмды

Маңғыстауда болған апат он адамның өмірін қиды. Lada.kz хабарлағандай, Жаңаөзен — Кендірлі тас жолында Toyota Camry мен Renault Duster соғылған. Бір машинада сегіз адам болыпты, арасында балалар бар. Бәрі қауіпсіздік белдігін тақпаған көрінеді. Полицейлер «Дастер» жүргізушісі бір ай бұрын белдік тақпағаны үшін айыппұл төлегенін айтты. Бір көлік қарсы жолаққа шығып, екіншісімен бетпе-бет соқтығысқан, салдарынан кәмелетке толмаған бес бала мен бес ересек адам оқиға орнында көз жұмды.

Доссор — Құлсары — Бейнеу тас жолында төрт адам қаза тапқан тағы бір ауыр жол апаты болды. Трассаның 10-шақырымында Lada Priora мен Toyota Camry соқтығысқан. Полиция Lada өртеніп, 31 жастағы жүргізуші мен 22 жастағы жолаушы шыға алмай қалғанын хабарлады. 51 жастағы Camry жолаушысы да оқиға орнында көз жұмды. «Тойота» жүргізушісі ауруханада қайтыс болды. Тағы екі жолаушы емханада жатыр.

Жексенбі күні Атырау облысында бір үйдің алты адамы бақилық болды. Атырау — Ақтөбе тас жолында сағат 9:00 шамасында Lada Priora мен Yutong автобусы соғылған. Апат салдарынан «Приорада» отырған ерлі-зайыпты мен олардың он, жеті, төрт және екі жастағы балалары қайтыс болды.

Прокурорлар биыл жыл басынан 18 маусымға дейін Атырау облысында – 134, Маңғыстау облысында 182 ауыр жол апаты болғанын хабарлады. Екі облыста адам қаза тапқан. Осы демалыста жиырма адам көз жұмды.

Бұл мемлекеттік деңгейдегі трагедия!