Ескі көліктерді қайта қалпына келтіріп, қалған-құтқан бөлшектерден DMC-12 моделін құрастырумен айналысатын жалғыз кәсіпорын Техаста орналасқан. DeLorean Motors Reimagined LLC аңызға айналған бренд пен DMC логотипіне иелік етеді. Алайда Захария Делореанның қызы Кэт қазіргі жағдайға көңілі толмай, спорткар шығаратын компания ашуды жоспарлап отыр екен.
DeLorean New Generation (DNG) жобасы туралы нақты мәлімет жоқ. Дегенмен Carscoops модель жыл аяғында жарық көреді деп жазды. Кэт Делореанның айтуынша жобалау жұмыстарына 40 жыл бұрын түпнұсқа DMC-12-ні шығаруға атсалысқан бірнеше маман қатысты. Жаңа автомобиль Model-JZD деп аталады.
Жарияланған рендерлер қиялдың жемісі ғана. Шын мәнінде марка жұртқа бұрыннан таныс көлікке ұқсас, тек шанағы басқа машина ұсынуы мүмкін. Ешқандай көлік көрмеуіміз де ғажап емес, өйткені бұл бренд ізбасарының атын шығару үшін жасап жатқан амалы деген болжам бар. Не боларын уақыт көрсетеді.
Комментариев: 0