TLC Team Land Cruiser Toyota Auto Body командасы «жауынгер» көлікті жолға шығарды. Спортшылар 2023 жылдың басында «Дакар» ралли-марафонында жүріп өтеді. Алдымен Rallye du Maroc сайысында бой көрсеткен машина Т2 категориясында бірінші орын алды.
Су жаңа Land Cruiser 2010 жылдан «Дакарда» дес бермеген ескі «екі жүздіктің» орнын басады. Жапон маркасына тиесілі темір тұлпарлар әйгілі додада 12 рет жеңімпаз атанған.
LC300-дің арнайы нұсқасы стандарт көліктен онша ерекшеленбейді. Т2 категориясына қатысты техникалық талаптар негізінен қауіпсіздік, отын қоры және навигация құралдарымен байланысты. Сонымен қатар ралли амортизаторын орнатуға рұқсат беріледі, ал трансмиссия мен рамасы стандарт қалпын сақтауға тиіс. Мұндай Land Cruiser 10 сатылы автоматпен жұптасқан 299 ат күшіне ие 3.3 литрлік турбодизельмен жүреді.
Комментариев: 0