АҚШ-та түрлі тауар мен техниканы сараптайтын көне басылым кейінгі үш жылдағы машина сапасына қатысты есебін жариялады. Мамандар ақау шығуы мүмкін күштік құрылым, трансмиссия, электроника және мультимедиа сияқты 20 бөлімді зерттеген.
Сарапшылар 2021–2023 жылдары шыққан машинасы бар 330 000 Америка азаматы қатысқан сауалнама нәтижесіне сүйеніп, қорытынды жасады.
Сауалнама нәтижесінде қозғалыс бөлшегі аз әрі күштік құрылымы қарапайым болғанына қарамастан, электромобильде проблема дәстүрлі мотормен жүретін машинаға қарағанда 79 % көп болатыны анықталды. Мұндай мәселе батареялы машина өндіру тәжірибесі аз дәстүрлі автоөндірушілер мен Rivian сияқты стартап компанияда көп кездеседі. Ал Tesla электрокарларының құрылымында еш ақау жоқ, клиенттер құрастыру барысындағы кемшіліктерге ғана шағымданады.
Басылым электромобиль алғанда көп жылдан бері сатылып жатқан сенімді маркаларды таңдау керек екенін айтты.
Плагин-гибрид (PHEV) иелерінің шағымы тіпті көп, мұндай машина ІЖҚ бар көлікке қарағанда 146 % көп бұзылады екен. Бұл олардың күрделі күштік құрылымына байланысты, электромотор мен дәстүрлі қозғалтқышты қатар қолданғандықтан, бұзылу ықтималдығы екі есе артады.
Комментариев: 0