Chrysler 300 жақында конвейерден кетеді

LX платформасында жасалған, Mercedes-Benz W210 және W220 (алдыңғы және артқы аспа, 5 сатылы автомат қорабы және 4Matic жүйесі) бөлшектерінен құралған Chrysler 300 седаны 2004 жылдан бері шығады. 2011 жылы машинаның екінші буыны ресми түрде жарық көргенмен, іс жүзінде жаңа технология мен 8 сатылы автомат қорабы қосылған рестайлинг болды.

Өткен жылдардағы сату көлемі модельдің конвейерде тұруына мүмкіндік берді. Ескі болғанына қарамастан, сымбатты көрінетін «үш жүздік» шетелде де тұрақты саудаланды. Машина Қазақстанда да кездеседі. Қазір Kolesa.kz сайтынан жүзге жуық данасын табуға болады.

1 / 7

• 
• 
• 
• 
• 
• 
• 

1 / 7

Компания ішкі нарыққа 6.4 литрлік V8 HEMI (485 ат күші/644 Нм) моторы бар қуаты артқан модификациясы, Brembo тежеуіштері, өздігінен бұғатталатын дифференциал, бейімді аспа, спорттық газ шығару жүйесі және т.б. орнатылған Chrysler 300 C ұсынды. Өткен жазда Mopar сынағында ауыр және спорттық емес көлік алғашқы жүздікті 4.4 секундта еңсерді.

Компания таныстырған 2200 автомобиль 12 сағат ішінде өтіп кетті және Velvet Red түсті соңғы машинаны құрастыру 11 желтоқсанда Канаданың Брамптон қаласындағы зауытта сәтті аяқталды. Стандарт модель 2023 жылдың 31 желтоқсанында тарих қойнауына кетеді.