Заңнамаға енетін тиісті өзгерістерді ҚР ІІМ дайындауда. Ішкі істер министрінің бұйрығымен 2019 жылдың 1 қаңтарына дейін дайындалып, берілген көлік құралын тіркеу туралы куәліктердің көлікті қайта тіркеуге дейін жарамды болатыны бекітіледі. Жаңа техникалық құжаттар біртіндеп берілетін болады. Бұл істің дәл қалай жүзеге асатыны әзірше ашып айтылмады.
Пішіні мен көлемі өзгерген (шамамен 5.5 см-ге 8.5 см) жаңа құжаттар ыңғайлырақ бола түседі. Нәтижесінде оларды әмиянға салып қоюға болады. Техникалық төлқұжаттар қорғаныстың ультракүлгін элементтерімен және көліктің тіркеу деректері толық жазылатын электронды микросхемамен жабдықталады. Ол деректердіңішінде:
1) мемлекеттік тіркеу нөмір белгілері;
2) куәліктің сериясы мен тіркеу нөмірі;;
3) куәліктің берілген күні;
4) маркасы үлгісі;
5) көлік құралының шығарылған жылы;
6) көлік құралының категориясы;
7) есептен шығарылғаны туралы белгі (бұрынғы төлқұжаттағыдай кеспей, оның орнына тескіш құрал көмегімен тесіледі, — Kolesa.kz ескертпесі);
8) сәйкестендіру нөмірі(VIN);
9) жүктемесіз салмағы, кг;
10) қозғалтқыш көлемі, см текше.;
11) рұқсат етілген ең жоғарғы салмағы, кг;
12) көлік құралының түсі;
13) көлік құралының иесі;
14) көлік құралының иесінің тұрғылықты мекенжайы;
15) ерекше белгілер;
16) алғаш тіркелген күні;
17) көлік құралын қайта жабдықтау түрлері жайлы мәліметтер;
18) өзге мәліметтер бар.
Айта кететіні, қажеттілікке қарай тізім өзгеріп, толықтырылуы мүмкін.
Комментариев: 0