Chevrolet жаңарған Equinox-ты АҚШ-та таныстырды

Компания Equinox моделінің рестайлинг нәтижесін көрсетті. Көліктің өзгерген сырт келбеті таңғалдырмады, себебі мұндай дизайндағы кроссовер Қытайда сертификат алды. Chevrolet өзгеріске ұшыраған салоны мен ішкі нарыққа арналған жаңа нұсқасын көрсетті. Activ деген атау алған көлік өте ерекше болады.

1 / 4

Обновлённый Chevrolet Equinox презентован в США

Chevrolet Equinox RS

1 / 4

Equinox-тың экстерьері тікбұрышты радиатор торы және жаңа бампері арқасында қырлы көрінеді. АҚШ-тағы әр нұсқаның өзіндік әрлеуі болады. Бас оптикасы өзгерді, дөңгелек аркасы қырланып, жуандады. Артқы жағындағы түсіңкі тірегі сақталды, бірақ шатыры қалқып тұрғандай көріну үшін бөлініп тұрғандай жасалған. 20 дюймдік дөңгелек дискілері алғаш рет шығып отыр.

Интерьері түбегейлі өзгерді. Ірі ортаңғы консоль мен ескі аспаптар панелінің орнына 11 және 11.3 дюймдік екі тәуелсіз дисплей қолданылады. Chevrolet кәдімгі селектордан бас тартып, оны рөл колонкасындағы электронды джойстикке ауыстырды. Equinox-тың салонындағы бастапқы климат-бақылау пультін қалдырып, толықтай сенсорлы басқаруға көшпеді.

Бұрын бренд Equinox-ты АҚШ-та стандарт және спорттық комплектацияда ұсынса, енді үшіншісі қосылды. Equinox Activ жол талғамайтын автомобиль бейнесін беретін сыртқы дизайн нюанстарының жиынтығымен ғана ерекшеленеді, одан бөлек интерьердің арнайы әрлеуі де қарастырылған. Мұндай Equinox зауыттан 17 дюймдік дискіні жол талғамайтын шинамен қаптайды.

1 / 5

Chevrolet Equinox Activ

1 / 5

Жаңа кроссовер әзірге бір қозғалтқышпен жүреді. 175 ат күші бар 1.5 литрлік турботөрттік жетек түріне қарай әртүрлі тарту күшіне ие. Алдыңғы жетекті Equinox 249 Нм момент берсе, толық жетекті нұсқа 275 Нм момент береді. Беріліс қорабы да әртүрлі, вариатор және 8 диапазонды автоматпен (қазір тек 6 сатылы беріліс қорабы қолданылады) жабдықталады. RS және Activ нұсқасындағы Equinox алғаш рет жүргізу режимін өзгерту мүмкіндігіне ие болады. Алдыңғы жетекті автомобиль «стандарт» немесе «қар» функцияларымен шектеледі, толық жетекті нұсқасы үшін «оффроуд» параметрі қосылады.

Chevrolet АҚШ-та жаңа өнімді биыл сата бастайды. Кроссоверді басқа елдерде сату жоспары туралы мәлімет жоқ, бірақ уақыт өте келе мұндай Equinox шетелдегі, сонымен қатар Қазақстандағы модельді алмастыруы әбден мүмкін. Құны 14.5 миллион теңгеден басталатын біздің Equinox та алдыңғы немесе толық жетекті бола алады, бірақ 236 ат күшін беретін (350 Нм) қуатты 2 литрлік турбомотормен және 9 сатылы автоматпен қозғалады.

Комментариев: 0