Үш ай бұрын көлік типін мақұлдау құжатын алған Chevrolet Onix Қостанайдағы «СарыарқаАвтоПром» конвейеріне тұрды.
Седан Қазақстанда екі түрлі мотормен шығады. Қарапайым агрегат — 90 ат ат күшіне ие 1.2 LIF. Ал қымбат түрленімі 132 ат күшін беретін 1.2 литрлік турбомотормен жүреді. Беріліс қорабы да екеу: 5 сатылы механика мен 6 сатылы автомат.
Әзірге комплектациясы туралы ресми мәлімет жоқ, бірақ үшеу болады деген болжам бар. Алғашқы екеуін 90 ат күшіне ие қозғалтқышпен, қымбат нұсқасын турбомотормен жабдықтайды. Алғашқы «оникске» ЭВАК жүйесін орната ма, жоқ па, белгісіз. Қазіргі көлік типін мақұлдау құжаты модельді 2024 жылғы 31 қаңтарға дейін SOS батырмасын орнатпай шығаруға мүмкіндік береді. Бірақ оны жыл аяқталғанша қайта жабдықтау қажет.
Қазақстанда тұсаукесер 21 мамырда өтеді. Седанның бағасын да сол кезде жариялайды. Қостанайға автобөлшек Өзбекстаннан келеді. Асакадағы «Оникстің» негізгі өндірісі 15 ақпанда басталған еді.
Комментариев: 0