Chery сәнді Tiggo X-ті көрсетті

Өткен аптаның аяғында Бейжіңде тұсаукесері өткен жаңа Tiggo X-ті қазіргі флагман Tiggo 9L-дің (Қазақстанда сатылатын Tiggo 9 емес) люкс нұсқасы деуге болады. Жаңа өнім осы модельге негізделген.

Концепт ретінде шыққан Tiggo X тікбұрышты шанақ пішінін бес метрлік 9L-ден алған, бірақ дизайны өзгеше. Ол қосарлы ұзын жолағы бар фарасымен ерекшеленеді. Екі деңгейлі оптика жоқ, сондықтан ірі Volkswagen модельдерін еске салады, бір қарағанда Zeekr 9X-ке де ұқсайды.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Tiggo X — қосылатын гибрид (PHEV). Ол 1.5 литрлік немесе 2.0 литрлік турбоқозғалтқыш, бірнеше электромотор және 8 сатылы автоматпен жабдықталған. Ең үздік комплектацияда күштік құрылымның жалпы қуаты 476 ат күшіне (630 Нм) тең. Электр қуатымен жүріс қоры 200 шақырымға жетеді, гибрид режимде 1500 км еңсереді деп жазды Autohome. Кроссовердің жабдықтар тізіміне бейімді аспа, толық жетек жүйесі және лидары бар 2-деңгейлі Falcon Pilot 700 автопилоты кіреді.

1 / 7

• 
• 
• 
• 
• 
• 
• 

1 / 7

Chery Tiggo X-тің интерьері «автоүй» сияқты, инженерлер басты назарды жайлылық пен ойын-сауыққа аударған. 7 орынды салонында үш экран, екі шабақты рөл және «хрусталь» тәрізді шайба бар. Бет-әлпетті тану және көзді бақылау жүйесі орындық пен айналарды жүргізушіге қарай автоматты түрде баптайды. Орындықтардағы бас тіреуіште динамиктер тұр. Төбедегі экран мен алдыңғы орындықтардың артындағы жиналмалы үстел екінші қатардағы жолаушыларға арналған.

Chery Tiggo X-тің сериялық нұсқасы 2026 жылдың үшінші тоқсанында шығады.