Chery Amulet-ті жаңғыртып, жаңа суббренд жасайды

Chery Қытайда көлемді іс-шара өткізіп, Fengyun суббренді қайта жаңғырғанын жариялады. Chery бұрын осы атаумен арзан модельдер шығарған, ол шетелде Amulet деген атпен белгілі болды. Жаңа модельдер қатарында электрлі седан мен кроссоверлер болады, шетелде Fulwin деген атпен сатылады.

Жаңа өнім Exeed Sterra/Exlantix премиум топтамасының платформасына негізделеді. Жаңа Chery-де пневматикалық аспа болмайды, бірақ бейімді амортизатор мен 800 вольтты архитектурсын сақтап қалады. Тізімде гибрид те, электрокар да бар.

Гибрид электр қуатымен 200 км, жалпы 1400 км (орташа отын шығыны 4.2 литр) жол жүреді. Алғашқы жүздікті 4 секундта еңсереді, ең жоғары жылдамдығы — 240 км/сағ. Ал электрокардың жүріс қоры — 700 км, батареяны 19 минутта 30-дан 80 %-ға дейін қуаттауға болады.

1 / 5

• 
• 
• 
• 
• 

1 / 5

Fulwin топтамасында 11 модель болады, олар алдағы екі жылда нарыққа шығады. 2024 жылы 5 гибрид пен 4 электрокар жарық көреді. Chery екі жаңа өнімін көрсетті. Біріншісі — Fulwin A гибриді. Бес метрлік седанның дөңгелек базасы үш метр, толық тәуелсіз аспасы бар. Сырт пішіні өзгеше. Седан 100-ге дейінгі жылдамдықты 5 секундта еңсереді.

Ал үш қатарлы T11 кроссовері әлі концепті күйінде тұр. Іс-шарада көрсетілген макеттен машинаның дизайны туралы ғана білуге болады. Ол ерекше радиатор торы, артқа қарай ашылатын есігі және жүксалғыш қақпағымен ерекшеленеді.

1 / 7

• 
• 
• 
• 
• 
• 
• 

1 / 7

Компания Fulwin A9-дың сериялы нұсқасын биыл жыл аяғына дейін ұсынады. Бірақ нарыққа алдымен A8 седаны шығуы мүмкін, ол Chery Arrizo 8-дің гибрид нұсқасы. Танымал Chery Tiggo 9 кроссоверінің де сыңары шығады, ол — бензоэлектрлі Fulwin T9. Бұдан бөлек компания T6 және T8 индексті электрлі жол талғамайтын көліктері мен E таңбалы бірнеше кроссовер шығарады. Олар бір-бірінен қалай ерекшеленетіні қазірше белгісіз.