MWM Spartan EV атауына ие батареялы уазик магниті бар синхронды электромотор қойылған соң қуаты артып, 163 күш пен 600 Нм момент беретін болды, сәйкесінше бағасы да қымбаттады (40 мың еуро). Модельдің құны өз отанында да, біздің елде де жақсы сатылуына кедергі болатыны белгілі, алайда компания чехтар құрастырған екі көліктің бірін сынап көрді.
Жол талғамайтын көлік белдіктерін, үлестіруші және бес сатылы қорабын сақтап қалды.
Арнайы шараға қатысқан Autonews.ru тілшісі Давид Акопян «Көлік жақсы қозғалады. Жолсыз жер емес, магистальда жүргендей әсер алдым. Тартымы тамаша, бірақ „Хантердің“ шассиі бұған дайын емес, сондықтан басқарылуына қатысты сұрақ бар. Тежеуіш жүйесі қайта жасалған, алайда бензинді нұсқасы сияқты электромобильдің де жылдамдығын төмендету қиын», — деді.
Ульяновск автозауытының маркетинг бойынша директоры Максим Купринның айтуынша, компания модельді өз зауытында өндіру мүмкіндігін қарастырып жатыр. Себебі Ресейде қорық немесе саябақ сияқты орындарда ІЖҚ қойылған көлік жүргізуге тыйым салса, мұның қажетке жарауы әбден мүмкін.
Комментариев: 0