Changan CS75 Plus буын алмастырады

Changan жаңа CS75 Plus кроссоверінің алғашқы суреттерін көрсетті. Әзірге ешқандай техникалық дерек ресми түрде жарияланбады, бірақ автомобиль жақында Қытай Өнеркәсіп министрлігінің сертификаттау базасында пайда болды. Шенеуніктер жариялаған кейбір параметрден кроссовердің келесі буыны нарыққа шығуға дайындалып жатыр деген қорытынды жасауға болады.

Машинаның алды өзгерді. Changan Uni топтамасына ортақ стиль сақталды, бірақ жақсартулар көп. Жақтаусыз радиатор торы, жаңа көп сатылы оптика, бампер пластикасы ауысты. Автомобильдің артқы жағы ықшам спойлермен және пиксельді жарықдиодты сызықпен безендірілген. Жаңа өнімнің тағы бір ерекшелігі — бұрын CS75 Plus-та болмаған есіктегі жылжымалы тұтқалар.

1 / 5

• 
• 
• 
• 
• 

1 / 5

Кроссовердің бұрыннан белгілі өлшемдеріне сүйенсек, көлік жай рестайлингпен шектелмейді. CS75 Plus ұзынырақ, кеңірек және аласарақ болды. Өлшемдері — 4770×1910×1695 мм. Дөңгелек базасы да 2710-нан 2800 мм-ге ұлғайды. Бренд көлікке 18-20 дюймдік дөңгелектер орнатады.

Changan CS75 Plus-тың 188 және 192 ат күшін беретін 1.5 литрлік турботөрттік орнатылған екі нұсқасы сертификат алды. Бірінші қозғалтқышпен кроссовер бұрын жабдықталған еді, екіншісі жаңа болса керек. Құжатта бұрынғы CS75 Plus-та болған 2 литрлік мотор туралы жазылмаған. Бренд бұл модификацияға уақыт өте бөлек сертификат алуы мүмкін.

Алдын ала мәлімет бойынша жаңа өнім Қытайда 2024 жылдың екінші жартысында сатыла бастайды, бастапқы бағасы 100-120 мың юань (шамамен 6.1-7.3 млн теңге) болады.