Camel Trophy-ге қатысқан ескі Land Rover Defender сатылады

Camel Trophy ралли-рейді өткен ғасырдың аяғында Land Rover компаниясының қолдауымен әлемнің әр түкпірінде өтті. Cars&Bids аукционы 1998 жылы өткен ралли тарихындағы соңғы жарыстардың біріне қатысқан машинаны сатады. 70 мың шақырым жол жүрген Land Rover Defender қазір 46 мың долларға бағаланып отыр, бірақ кезінде Camel Trophy-ге қатысқан «дефендер» үшін 100 мың доллар ұсынғандар болған.

Land Rover арнайы операциялық бөлімшесі жол талғамайтын көлікті 1998 жылы Оңтүстік Америкадағы Отты жер аралында өткен ралли-рейдке дайындаған. Автомобиль жарысқа қатысқан жоқ, оны ресми түсіру тобы пайдаланды. Бірақ «Дефендер» әлдеқайда қиын сынақтарды бастан өткерді.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Зауытта Land Rover қауіпсіздік қаңқасы, экспедицияға арналған жүксалғыш, шығыр және көптеген жарық техникасымен жабдықталған, ал қозғалтқышқа шноркель қосылды. Күштік құрылымында өзгеріс жоқ. Defender 115 ат күшіне ие (265 Нм) 2.5 литрлік дизельді мотормен жүреді. Агрегат механика қорап және толық жетекті жүйемен жұмыс істейді. Салонда ралли компьютері және жүксалғышты бөліп тұратын қалқа бар. Шеберлер шанаққа жанармай канистрі, сэндтрак, күрек сияқты ұзақ сапарға арналған құрылғылар орнатқан.

Қазіргі иесі машинаны 2000 жылы сатып алыпты. Автомобиль фирмалық ливреясы мен зауыттық жабдықтарын сақтап қалған, кейін қосылған қосымша заттар да бар. Мысалы, экспедицияға арналған көлік ARB дифференциалды бұғаттау жүйесі, 70 литрлік су ыдысы және Kenwood аудиожүйесімен жабдықталған.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Иесі жол талғамайтын көлікті мініп жүрген күйінде сатады. Шанақта көптеген сызат және ойық бар. Сатушы оның көбі 1998 жылғы Camel Trophy жарысында түскенін айтты.