Cadillac Vistiq электрокроссоверін ұсынды

Бренд Vistiq паркетнигін көрсетті, ол өлшемі жағынан үлкен Escalade IQ-ден ғана кіші. Жаңа өнім кең әрі сәнді болады. Базалық комплектацияның өзінде 33 дюймдік экран және бес аймақты климат-бақылау жүйесі бар. Электрокардың құны 78 790 доллардан (39 миллион теңге) басталады.

1 / 7

• 
• 
• 
• 
• 
• 
• 

1 / 7

Өлшемдері — 5222×2026×1804 мм, дөңгелек базасы — 3094 мм, жүксалғыш көлемі — 2271 литр. Автомобиль үш қатарлы нұсқада сатылады. Компания өкілдерінің айтуынша үшінші қатардағы жолаушылар өзін бірінші және екінші қатардағыдай жайлы сезіне алады және олар үшін жұмсақ шынтақ тіреуіш, USB-порттар, гаджет қоятын кеңістік жасалған.

1 / 5

• 
• 
• 
• 
• 

1 / 5

Жабдықтар тізіміне сондай-ақ Dolby Atmos әсерін беретін 23 динамиктен тұратын AKG акустикалық жүйесі кіреді. Стандарт жинақта кейбір жолда рөлді ұстамай жүргізуге мүмкіндік беретін SuperCruise жүргізуші ассистенттерінің кешені болады.

Vistiq бір күштік құрылыммен жабдықталады. Екі мотордың қосындысы 624 ат күшін және 880 Нм момент береді, онымен кроссовер алғашқы жүздікті (60 мильді) 3.7 секундта еңсереді. Максимал жылдамдығы әлі белгісіз. 102 киловаттық батареяның қуаты 480 шақырымға жетеді, ал 120 шақырымға жететін энергия қорын қуатты станцияда 10 минутта толтыруға мүмкіндік бар.

Машинаға 23 дюймдік дискілер, бейімді амортизаторы бар реттелетін пневматикалық аспа және басқарылатын артқы дөңгелектер орнатылады, бірақ олар тек үздік комплектацияда қолжетімді.

Электрокар саудасы алдымен АҚШ пен Канадада басталады, бірақ компания Vistiq-тен жаһандық модель жасауды жоспарлап отыр.