BYD концерні Қытайда электромобиль мен гибридке арналған жеке қуаттау станцияларын бірлесіп пайдалануға болатын сервисін іске қосты. Енді үйдегі қуаттағышты қосымша арқылы көршілерге жалға беріп, электр энергиясына кеткен шығынды өтеуге болады.
Үйдегі станция иесі жұмысқа кеткенде бос тұрады. Концерн осы уақытты пайдаланып, көлікті тиімді бағамен қуаттау қызметін ұсынады. Нәтижесінде иесі қосымша табыс табады, ал пайдаланушы бекетке барып, кезекте тұрып уақыт жоғалтпайды әрі ақша үнемдейді. Мұндай схема жалпы станциядан тиімді.
BYD қосымшасы арқылы төлем жасауға болмайды. Жаңа сервис тек тіркелген пайдаланушылар арасынан жалға алушыны табуға, дерек алмасуға және қуаттау бекетін пайдалану шарттары туралы келісуге жағдай жасайды. Қалған процесс офлайн режимде өтеді.
Қытайда Nio мен Xpeng те осындай сервис ұсынады. Қытайдағы баспасөз басқа өндірушілерде оның мүмкіндігі көбірек екенін атап өтті. Мәселен, кейбір қосымшада жалға алу қызметінің ақысын төлеуге болады.
Керемет