BYD компаниясы ірі кроссоверінің премьерасына дайындықты бастап кетті. Автомобиль Great Tang деп аталады. Алдымен электрлі нұсқасы ғана сатылады, ал кейін гибрид түрленімі шығады.
Жаңа өнім туралы кейбір ақпаратты бұған дейін Қытайдың өнеркәсіп министрлігі жариялаған. Сертификат дерегіне сүйенсек, кроссовердің дөңгелек базасы — 3.1 метр, ұзындығы — 5263–5302 мм. Үздік нұсқасының салмағы 3 тонна шамасында.
Great Tang артқы осьтегі 402 немесе 496 ат күшіне ие бір электромотормен жүреді. Ал толық жетекті көліктің алдыңғы осінде екінші мотор (288 а.к) болады. Батарея сыйымдылығы қазірше белгісіз. Бірақ Autohome машинаның жүріс қоры 850–950 шақырымға жетеді деп жазды. Жабдықтар тізімінде
Машина интерьері Қытай маркаларына тән стильде жасалған, физикалық батырмалар аз, алдыңғы панельде бірнеше дисплей көзге түседі. Жүргізушінің алдында шағын цифрлық аспаптар панелі, алдыңғы жолаушы тұсында тағы бір шағын экран тұр, ал екеуінің ортасында ірі медиакешен дисплейі орналасқан. Ортаңғы консольде екі сымсыз қуаттау орны бар, креслолар арасындағы қорапқа тоңазытқыш орнатқан.
Екінші қатардағы жолаушылар үшін бренд жеке кресло, кең диван және жиналмалы үстелше қойыпты. Креслода жылыту және желдету функциясымен қатар массаж жүйесі болуы мүмкін. Төбесінде тағы бір дисплей тұр. Соңғы қатарға үш адам сыяды.
Комментариев: 0