BYD Yuan UP электрокроссовері 11 мың доллар тұрады

19 наурызда арзан BYD Yuan UP электромобилі Қытай нарығына шықты. Өлшемі 4310×1830×1675 мм (дөңгелек базасы 2620 мм) болатын шағын кроссовер қалада пайдалануға арналған деп хабарлады Carnewschina.

BYD Yuan UP Atto 3 моделі сияқты e-Platform 3.0 платформасына негізделген. Машина 95 және 177 ат күшіне ие екі мотормен жүреді. Сыйымдылығы 32 кВт•сағ аккумулятор 300 км, ал 45.1 кВт•сағ батарея 400 км жол жүруге мүмкіндік береді.

1 / 7

• 
• 
• 
• 
• 
• 
• 

1 / 7

Салонда 8.8 дюймдік цифрлы аспаптар панелі мен 12.8 дюймдік мультимедиа планшеті бар. Ортаңғы консольде жүргізу режимінің қосқышы, сымсыз қуаттау панелі және қажетті функцияларды басқару батырмалары орналасқан. Орындық былғарымен қапталған, ал төбеде панорамалы шатыр бар.

BYD Yuan UP-дің алғашқы партиясы дилерлерге жетті, бағасы 79 800 юаньнан (11 000 доллар) басталады.