BYD Тәжікстан нарығына ресми кіргенін жариялады. Бренд топтамасы төрт модельден тұрады. Душанбеде екі BYD автоорталығы ашылды, бірақ дистрибьютор автомобиль бағасын әлі жариялаған жоқ.
BYD Тәжікстанда екі гибрид (Song Pro DM-i кроссовері мен Chazor DM-i седаны) және екі электрокар (Song Plus пен e2) сатады. Қазір дистрибьютордың ресми сайтында жергілікті нарыққа арналған модельдер туралы ақпарат жоқ.
BYD-дің Орта Азия бөлімшесінің басшылары аймақты концерннің экспорттық нарықтарға қанат жаю барысындағы маңызды кезең деп санайды. BYD электрокары мен гибридтері қазір әлемнің 95 елінде сатылып жатыр.
Тәжікстанға BYD автомобильдері қайдан баратыны белгісіз, бірақ концерн жақында Өзбекстанның Джизах қаласындағы зауытта Chazor гибридін құрастыра бастады. Өзбекстан BYD аяқ басқан Орта Азиядағы алғашқы ел болды. Бірінші кезеңде зауыттың өндіріс қуаты 50 мың автомобиль болады, болашақта бұл көрсеткіш жарты миллионға жетеді деген болжам бар. Сондай-ақ Джизахта шыққан гибрид және электрокарлар Өзбекстаннан тыс жерде сатылуы мүмкін.
Комментариев: 0