BYD Song Plus қаншалықты қауіпсіз

Қытай брендтері Еуропа нарығына белсенді түрде кіруде, бұл олар EuroNCAP сынағында көбірек шығады деген сөз. Инженерлердің алдынан өткен BYD Seal-U (ТМД-да Song Plus) жақында Қазақстан нарығына ресми түрде қайта оралады.

Модель	Жалпы рейтинг	Ересек жолаушыларды қорғау мүмкіндігі	Балаларды қорғау мүмкіндігі	Жаяу жүргіншілерді қорғау мүмкіндігі	Қауіпсіздік жүйелері
BYD Seal-U		90 %	86 %	83 %	77 %

Краш-тест нәтижесінде 218 ат күшін беретін моторы бар Seal-U бес жұлдыз алды, бірақ машинаға қатысты шағым бар. Бетпе-бет соғылғанда жүргізушінің аяғын жақсырақ қорғауы керек еді. Манекеннің оң аяғындағы сенсорлардың көрсеткіші сәл жоғары болды. Паркетник қатты кедергіге толығымен соғылғанда өзін жақсы көрсете алмады. Инженерлер жүргізушінің денесінде жүктеме артқанын айтты. Әйтсе де модель 14 ұпай алды.

1 / 6

• 
• 
• 
• 
• 
• 

1 / 6

Seal-U ең жоғары 16 ұпай жинап, бағанаға және басқа көлікке бүйірімен соғылғанда тамаша өнер көрсетті. Бірақ арттан соққы тигенде екінші қатарда бас тірегіш жоқтығынан жолаушы мойын жарақатын алуы мүмкін.

Жаяу жүргіншілер үшін биік кроссовер қауіпті. Капоттың алдыңғы жиегі мен алдыңғы әйнектің төменгі бөлігі, алдыңғы тіректер Seal-U-де де ерекше қауіпті болып саналады.

Сынаушылар автомобильдің түрлі электронды көмекшісін 13.9 балл немесе 77%деп бағалады. Есік ашатын кезде велосипедшінің жақындағанын ескерту жүйесінің болмауы, сондай-ақ бетпе-бет соғылғанда автоматты тежеудің дұрыс іске қосылмауы проблема әкеледі.