BYD компаниясы Porsche 911-дің бәсекелесін дайындап жатыр

Спорттық Denza электромобилі арзан болғандықтан осы кластағы барлық шетелдік көлік бәсекеге қабілетсіз болуы мүмкін.

7 сағат бұрын | | 47

Авторы: Манас Иксанов

Соңғы уақытта Қытайдағы әлеуметтік желіде камуфляжбен қапталған спорт купенің суреттері жиі кездесіп жүр. Сырт келбеті көктемде жарық көрген Fang Cheng Bao Super 9 концептісіне ұқсайды. Оны Audi-дің бұрынғы бас дизайнері, қазір BYD-де қызмет ететін Вольфганг Эггер жасаған.

Техникалық сипаттамасы әлі белгісіз, бірақ екі есікті автомобиль тек электр қуатымен жүреді. Себебі BYD 2022 жылдан бері сұйық отын тұтынатын көлік өндірісін тоқтатқан.

BYD компаниясы <nobr>Porsche 911-дің</nobr> бәсекелесін дайындап жатыр

Autohome мәліметінше, Denza бренді бұл машинаны 2025 жылдың сәуірінде Шанхай автосалонында таныстырады. Бастапқы бағасы шамамен 300 мың юань (шамамен 41 мың доллар) болады. Бұл Қытайда сатылатын Porsche 911-ден бірнеше есе арзан. Ең арзан 911 Carrera 1.3 млн юань тұрады.

Жаңа купе алдымен Қытай нарығында саудаға шығады, кейін оның негізінде жасалған кабриолет жарық көреді. Компания автомобильдерді шетелге, соның ішінде Еуропаға экспорттауды жоспарлап отыр.

Комментариев: 0