BYD концерні Han моделінің жаңарған топтамасын көрсетті. Автомобиль жаңарған күштік құрылыммен гибрид немесе электрокар ретінде шығады. Жүріс бөлігі өзгерді және электронды жабдықтар тізімі кеңейді. BYD Han-ның бағасы өспеді, тіпті кейбір комплектация арзандады.
Рестайлингтен өткен екі Han-ның сырт келбеті енді бірдей. Инженерлер шассидің артқы осіне бес иінтіректі құрылым және жаңа бейімді DiSus-C технологиясын қолданды. Жаңа Weiyang Gray шанақ түсі пайда болды, қара декор да қосуға болады.
Жаңарғаннан кейін BYD Han DM-i концерн белсенді пайдаланып жатқан DM күштік құрылымымен жабдықталады. Седан 156 ат күшін және 225 Нм момент беретін 1.5 литрлік бензинді қозғалтқышпен, 272 ат күшіне ие (315 Нм) электромотормен, 40 киловатттық батареямен жүреді. Машина тек алдыңғы жетекті. Алғашқы жүздікті 6.9 секундта еңсереді, максимал жылдамдығы — 200 км/сағ.
BYD Han DM-i аккумулятордың қуат деңгейіне байланысты 1.6-3.8 литр сұйық отын тұтынады. Көлік тек электр қуатын пайдаланып 125 шақырым жүре алады, ал жалпы жүріс қоры 1350 км-ге жетеді. Жаңарған модельдің бағасы 165 800-225 800 юань (11-15 млн теңге) аралығында болады. Ең қымбат гибрид нұсқадан басқасы 4 мың юань арзандады.
Компания электрлі BYD Han-ды үш түрлі күштік құрылыммен ұсынады. Ең арзан электромобиль 204 ат күшін және 310 Нм момент беретін қозғалтқышпен жабдықталады, орташа комплектацияда 228 ат күшіне ие (350 Нм) мотор болады, үздік жиынтыққа 245 ат күші бар агрегат орнатылады. Сыйымдылығы 60.48-85.44 кВт⋅сағ болатын үш түрлі аккумулятордың арқасында жүріс қоры
BYD Han EV-дің бастапқы бағасы өзгермеді, 179 800 юань (12 млн теңге) болады. Үш комплектация арзандады. Ең қымбат электрокар 235 800 юань (15.8 млн теңге) тұрады.
Жаңарған жүйелер арасында Nvidia Orin X чипіне негізделген жартылай автономды DiPilot басқару жүйесі және лидар, 31 сезгектен тұратын жетілген аппараттық кешен бар.
Көліктің техникалық бөлігін жақсарту мен бағасын өзгерту BYD Han топтамасының соңғы уақытта төмендеген саудасына көмектеседі деген болжам бар. Қытайдағы басылымдардың мәліметінше тамызда седан танымалдығы былтырмен салыстырғанда біршама төмендеген.
Комментариев: 0