BYD Atto 8 Қазақстан нарығына шығады

BYD Қытайда Tang L атауымен белгілі Atto 8-дің Қазақстанға арналған нұсқасын биыл ақпанда көрсетті. Жақында жергілікті реестрде гибридке тиесілі Көлік құралының типін мақұлдау құжаты пайда болды.

1 / 7

• 
• 
• 
• 
• 
• 
• 

1 / 7

Ұзындығы 5 метрге жуық автомобильдің жеті орынды, толық жетекті түрленімі сертификат алды. Дөңгелек базасы — 2.95 метр. Мұндай Atto 8 149 ат күші мен 220 Нм момент беретін 1.5 литрлік турбомотор, екі электрлі қозғалтқыш және 35.62 кВт·сағ LFP батареямен жабдықталады. Жалпы қуаты 540 ат күшіне тең. Жүріс қоры 1000 шақырымға жетеді, электр қуатымен 150 км (WLTP) еңсере алады.

BYD Atto 8 былғарымен қапталған салон, шағын цифрлық аспаптар панелі, 15.6 дюймдік мультимедиа экраны және екі қабатты ортаңғы консолімен ерекшеленеді. Жабдықтар тізімінде алдыңғы әйнекке түсетін проекция, тоңазытқыш, Dynaudio аудиожүйесі бар.

1 / 7

• 
• 
• 
• 
• 
• 
• 

1 / 7

Бізге келетін комплектациялар туралы ақпарат әзірге жоқ, ресми бағасы да белгісіз. Ақпанда BYD-дің дистрибуция директоры Антон Кущ кроссовердің бағасы 20 млн теңгеге жуық болады деді. Оның тұсаукесері биыл жазда өтеді.