BYD тағы бір пикап шығарады

Бұған дейін жаһандық нарыққа Shark атты толыққанды пикап ұсынған BYD концерні сегменттен мықтап орын алуды көздеп отыр. AutoHome хабарлағандай, Бразилияға арналған жаңа өнім мүлде басқаша болады. Патент суреттерінен техника жүк көлігіне емес, кроссоверге жақын болатынын көре аласыз.

1 / 4

• 
• 
• 
• 

1 / 4

Әзірге атауы жоқ автомобильдің алдыңғы бөлігінің дизайны BYD кроссоверлеріне жақын. Бампері, радиатор торы мен жарық техникасы өте ұқсас, бүйірі бедерлі. Жүк платформасы ықшам, бірақ қауіпсіздік доғасымен жабдықталған.

Басылым мәліметінше машина көтергіш шанақ, толық тәуелсіз аспа және DM-i гибрид күштік құрылымын алады. Жаңа өнім Hyundai Santa Cruz сияқты модельдерге бәсекелес болады. Ол пикап пішіндес автомобильді және белсенді демалысты ұнататын, бірақ рамалы құрылымды қаламайтындарға арналған көлік ретінде шығуы мүмкін.

Марка жаңа өнімді 2026 жылы ұсынады. Ол Оңтүстік Америкадан өзге елдерге аттана ма, белгісіз, бірақ BYD-дің мақсатын ескерсек, басқа нарыққа шығатын сияқты.