BYD концерні Dolphin және Yuan Plus (Atto 3) модельдерінің 96 714 данасын сервиске шақыра бастады. Бұл модельдердің электрлі рөл күшейткіші қысқа тұйықталып, өртке себеп болуы мүмкін.
Электрлі күшейткіштің контроллер қақпағында ақау бар. Ол жабық тұрғанда құрылғы тақтасындағы конденсаторларды қысады да, салдарынан жарықша пайда болады. Машинаны пайдаланғанда жарықтар үлкейіп, қысқа тұйықталу болып, өрт шығады.
Сервистік кампания 2022 жылдың қарашасы мен 2023 жылдың желтоқсаны аралығында жасалған автомобильдерді қамтиды. Компания көлік иелерін мессенджер, пошта және телефон арқылы хабардар етеді.
CarNewsChina мәліметінше BYD өнімдерін өте сирек сервиске шақырады, бірақ осы кампания ең ірісі болмақ. Екі модель де шетелде сатылады, бірақ Dolphin және Yuan Plus ресми саудаланатын елдерде мұндай акция туралы әзірге ақпарат жоқ.
Комментариев: 0