Темір тұлпардың авторлары базалық «Широнның» шанағы, шассиі және ішкі құрылымының көп бөлігі «Дивоға» (1920 жылдарда әйгілі болған француз автошабандозының құрметіне аталған) бәлендей өзгеріссіз берілгеннің өзінде, түрленімнің екеуін де барынша алшақтатуға тырысқан.
Сыртынан Bugatti Divo-ны бауырласынан ықшамды жарықдиодты оптикасы мен Chiron-нан 20 %-ке артық, яғни 456 қысым күшіне дейін өндіретін әдеттен тыс дамыған аэродинамикалық таяныштарынан-ақ оңай ажыратуға болады. Бастырық көліктің төбесіндегі орағытқылардан, жалпақ артқы спойлерден және төрт газ шығаратын келте құбыры бар артқы диффузордан тұрады. Соның арқасында, Divo тізгіндеушіні артық жүк тиеу көрсеткіші 1.6 g (Chiron-да 1.5 g) болатын орындыққа тығыздап, бұрылыстарды анағұрлым жоғары жылдамдықпен еңсеруге қауқарлы.
Жаңа гиперкар есіктер мен орталық консольдегі ұсақ-түйек заттарды сақтауға арналған бөлімдер сияқты артық дүниелерден арылған, есесіне жеңіл (салмақ тұрғысынан) аудиожүйеге және карбоннан жасалған интеркуллер қақпағы мен алдыңғы диффузор жапқышына ие болыпты. Мұның барлығына шамамен 35 келіні құрайтын жарақталған масса үнемделген. Әлбетте, бұл ретте онсыз да экстремалды жұмыс режиміне арналып, құрастырылған шасси түрленіп, аспа қайта бапталған.
«Диво» кезекті рет әсерлі рекордтар орнату үшін емес, асқан жылдамдықпен жүргізуден ләззат алу үшін жасалғандықтан, оның күштік құрылымы толықтай широнның 1500 арғымағы мен 1600 ньютоны бар сегіз литрлік квадротурбиналанған W16-ға ие құрылымын қайталайды. Гиперкардың ең жоғарғы жылдамдығы сағатына 300 км көрсететін жылдамдықпен шектелген, бұл бауырласының көрсеткішінен кемдеу.
Аса қымбат автокөліктің өтімі жайлы алаңдаудың еш қажеті жоқ. Bugatti Divo-ның шығарылады деп күтілген 40 данасының барлығы да алдын ала, 5 миллион еуро (Chiron-нан екі есе қымбат) сомасын құрайтын бағаға сатылып кеткен.
Комментариев: 0