Аустриядағы премиум көлік сататын дилер Ferrari LaFerrari суперкарын сатуға қойды. Машина туралы мәлімет аз, бірақ 5.49 миллионға жеткен бағасы таңғалдырады. 2018 жылы конвейерден түскен автомобиль небәрі 280 километр жүріп өткен. Еуропада жағдайы жақсы Bugatti Chiron шамамен жарты миллион еуроға арзан.
Дилер суперкардың бір ғана суретін жариялады. Қара түсті акценттері бар ақ LaFerrari қара-қызыл дискілермен жабдықталған. Салонында да қара және қызыл түстер өзара үйлесіп тұр.
2010 жылдардың екінші жартысында Ferrari бұл модельдің 500 данасын жасаған. LaFerrari Маранеллодан шыққан алғашқы супергибрид болды. Автомобиль электрлі қондырмасы бар 6.3 литрлік V12 қозғалтқышымен жабдықталған. Агрегат 963 ат күшін береді, онымен көлік алғашқы жүздікті 2.6 секундта еңсереді, максимал жылдамдығы — 325 км/сағ.
LaFerrari-дің тиражы шектеулі болғанын және аз жүрген экземплярды табу қиындап бара жатқанын ескерсек, бағасы тым жоғары емес сияқты. Биыл қаңтарда RM Sotheby’s аукционында дизайны осындай және бұдан аз жүрген LaFerrari саудаға шыққан. 14 километр жүрген купенің құны
Комментариев: 0