Британиялық екі компания — инжинирингтік Equipmake пен 3D басып шығаруға маманданған Hieta-ның күш біріктіруі электрлі моторлар саласында баламасы жоқ дүние жасауға негіз болды. Алдын ала есеп бойынша, Ampere деп аталатын он келілік күштік құрылым 295 аттың күшін беруі тиіс. Бұл заманауи қозғалтқыштар арасындағы ең жоғарғы көрсеткіш.
Мотор құрылымындағы металл мөлшерін азайту осындай сипаттамаларды (әзірше қағаз жүзінде) қамтамасыз етуге сеп болды. Ал материалдардың жоғарғы термотиімділігі қозғалтқыштағы айналмалы бөліктерді қызып кетуден сақтайды.
Әзірлеу жұмысы инновациялық жобаларды қолдауға бағытталған Innovate UK мемлекеттік бағдарламасы арқылы қаржыландырылады. Ampere-дің алғашқы прототипі таяу жылдары жарық көреді.
Комментариев: 0