Brabus-тың алты дөңгелекті «Гелендвагені» 1.4 млн еуроға бағаланды

Brabus ательесі жазда Mercedes-AMG G 63 негізіндегі XLT пикаптарынан құралған топтамасын екі жаңа көлікпен толықтырды. Сол кезде жарнамалық фотосурет түсіру үшін пайдаланған пикаптың бірін сатып алуға болады. XLP 900 6×6 Superblack жүк көлігі саудаға шықты, бірақ ол арзан түспейді. Жетілдіру ауқымы мен максимал конфигурацияны ескере отырып, тюнерлер автомобиль үшін 1 411 680 еуро сұрап тұр. Стандарт AMG G 63 Германияда шамамен 187 мың еуро тұрады.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Тюнерлер жүк тиеу платформасын қосып, рама мен дөңгелек базасын ұзартып, үшінші жетекші ось қосу арқылы «Гелендвагенді» пикапқа айналдырды. Нәтижесінде XLP 900 6×6 Superblack-тың ұзындығы 6.2 метрге сәл жетпейді, ал клиренсі 470 мм-ден асады. Жүріс бөлігінде порталды белдеме және 22 дюймдік дөңгелектер орналасқан.

Капот астында 8 цилиндрлі стандарт блок қалды. Дегенмен көлемін 4.5 литрге дейін арттыру сияқты көптеген жақсарту арқасында қозғалтқыш өнімділігі 900 ат күші және 1250 Нм-ге дейін өсті. Мотор 9 сатылы автомат қораппен жұмыс істейді. Нәтижесінде салмағы 3670 кг пикап 5.2 секундта алғашқы жүздікті еңсеруге және максимал 210 км/сағ жылдамдықпен жүруге қабілетті.

1 / 11

• 
• 
• 
• 
• 
• 
• 
• 
• 
• 
• 

1 / 11

Сатылатын нұсқа Brabus-тың осындай көліктер үшін ұсынатын көптеген опциясымен жабдықталған. Олардың ішіне қосымша жарықтандыру, сервожетекті басқыш, жүксалғыштағы қауіпсіздік доғасы және 4.5 тонналық жүкшығыр кіреді. Хромдалған бөлігі күңгірт тартып, жақсарған карбон бодикит орнатқан, салонын былғары және алькантарамен қаптап, тіпті төбесін, алдыңғы панелі мен жақтауларын толығымен қара түспен әрлегендіктен, атауында Superblack сөзі бар. Жүк платформасын көміртекті пластик және тик ағашымен безендіріпті.

Brabus кез келген қалталы тапсырыс беруші үшін осындай пикап құрастыруға дайын. Негізгі нұсқаның құны шамамен 1.2 миллион еуро құрайды.