Brabus «Гелендвагеннен» алты дөңгелекті пикап жасады

Brabus ательесі Mercedes-AMG G 63-ке негізделген екі пикапты таныстырды. Олар алдыңғы жобалардан дөңгелек санымен, ал бір-бірінен қозғалтқыш күшімен ерекшеленеді. Компания тапсырыс қабылдап жатыр, бағасы 1.1 млн еуродан (540 млн теңгеден асады) басталады.

Жол талғамайтын көлікке үшінші ось орнату үшін донорды ұзартуға тура келген. Мамандар жүріс бөлігіне борт редукторлары бар портал осін қолданады, ал екінші және үшінші осіне көлденең иінтірек пен реттелетін амортизаторы бар тіреулер орнатады. Одан бөлек «Гелендваген» тәуелсіз аспаға ие болды.

Brabus XLP 800 6×6 Adventure (ақ) және Brabus XLP 900 6×6 Superblack (қара) деп аталатын екі пикаптың көлемі бірдей: ұзындығы — 6.2 метр, биіктігі — 2.3 метр, жол саңылауы — 473 мм. Екеуіне де карбон бастырық, ірі бампер, астыңғы бөлігін қорғайтын элемент, төбесіне қосымша жарық және 22 дюймдік дөңгелек орнатқан. Әр машинаның салмағы — 4.5 тонна.

1 / 26

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 26

Кіші пикап 4 литрлік V8-бен жүреді. 800 ат күшіне ие (1000 Нм) агрегат 9 сатылы автоматпен жұмыс істейді. Мұндай көлік алғашқы жүздікті 5.8 секундта алады, ал ең жоғары жылдамдығы — сағатына 210 шақырым.

1 / 26

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 26

Үлкен нұсқасының моторы кәдімгідей жақсарған. Шеберлер 4.5 литрлік қозғалтқышқа өз поршені мен білігін қолданып, отын жүйесінің өнімділігін арттырған және басқа турбокомпрессор қойған. Нәтижесінде бойына 900 «арғымақтың» күшін (1250 Нм) жинаған агрегат алғашқы жүздікті екінші нұсқасынан 0.6 секунд ерте еңсереді.

Ателье мұндай пикаптарды тек алдын ала тапсырыс бойынша құрастырады.