Brabus пен KTM жаңа мотоцикл дайындап жатыр

Brabus пен KTM серіктес болып қала беретін сияқты. Бұған Еуроодақ деректер базасынан табылған патент құжаты дәлел. Аустриялық мотоөндіруші мен атақты тюнинг-ателье Brabus 1400 R жаңа жобасын дайындап жатыр.

1300 R индексті алдыңғы жоба KTM 1290 Super Duke R-ге негізделгенін ескерсек, жаңа жоба 2023 жылдың аяғында шыққан 1390 Super Duke R негізінде жасалуы мүмкін.

1 / 5

KTM 1390 Super Duke R

1 / 5

KTM топтамасының флагманы рамасын сақтайды, сырт пішіні барынша қырлы болады, жаңарған WP SAT аспа (Evo нұсқасында) және қосымша электроникамен жабдықталады. 1390-ның моторы да жаңарды. Қозғалтқыш көлемі 1350 куб сантимерге (+ 49 куб. см) жетті. Ол 190 ат күші мен 145 Нм береді, салмағы — 211.8 келі.

1 / 5

KTM 1390 Super Duke R

1 / 5

Brabus 1400 R қашан жарық көретіні белгісіз, бірақ мотоциклдің бірнеше нұсқасы болатыны анық. Құжатта үш атау көрсетілген. Әдеттегі 1400 R-ден бөлек Brabus 1400 R Signature және Brabus 1400 R Tailor Made түрленімі шығады. Соңғысы модельдің клиенттер талабына сай жасалған эксклюзив нұсқасы саналады.

1 / 14

Brabus 1300 R

1 / 14

Brabus пен KTM алғашқы бірлескен өнімін 2022 жылдың басында шығарды, Brabus 1300 R моделінің 154 экземпляры жарық көрген. Ал былтыр қазанда тюнерлер 1300 R Masterpiece Edition-ның шектеулі данасын ұсынды. Бұл мотоциклдің небәрі 50-і шыққан. Brabus мотоциклі 45 мың доллар тұрады, ал стандарт КТМ бағасы — 21 мың доллар.

Комментариев: 0