Brabus мотоциклының жаңа нұсқасы шықты

Әлемге танымал Brabus тюнинг-ательесі алғашқы мотоциклының 1300 индексті жаңа нұсқасын таныстырды. Ол Masterpiece Edition деп аталады және карбон элементтер жинағымен ерекшеленеді.

«Үздік» модификацияның артқы бөлігі, маятник қаптамасы, алдыңғы қанаты, шамының жақтауы мен өзге де бөлшектері көмірпластиктен жасалған. Дизайнерлер отырғышты да жақсартыпты. Ол Brabus Diamond деп аталатын былғарымен қапталған және жылытқышы бар. Брендке тән Brabus Monoblock Z дөңгелек дискілері Gold Platinum түстес. Бұны газ шығару түтігіндегі элементтерге де қолданыпты. Brabus өкілдері 1300 R Masterpiece Edition-ның шектеулі тиражбен шығатынын айтты. Бакта нөмір жазылған этикетка тұр.

1 / 11

• 
• 
• 
• 
• 
• 
• 
• 
• 
• 
• 

1 / 11

Бренд небәрі 50 мотоцикл (25 қара түсті, тура сонша ақ түсті) ұсынады. Еуропада бағасы 42 мың еуродан (21.3 млн теңге) басталады.

Болжам бойынша Masterpiece Edition 1300 R жобасының соңы болуы мүмкін. Оны Brabus KTM-мен бірігіп жасады. Қос дөңгелекті көлікке 1.3 литрлік 2 цилиндрлі V тәрізді мотормен (180 а.к. және 140 Hм), WP аспасымен және көмекші электроника жинағымен жабдықталған KTM 1290 Super Duke R EVO негіз болды. Brabus 1300 R деп аталатын алғашқы мотоциклын компания былтыр ақпанда таныстырған.