Brabus 900 ат күшіне ие пикапты саудаға шығарды

Әйгілі Brabus ательесі әрлеген он 900 XLP пикабының бірі саудаға түседі. Бұл жоба Mercedes-AMG G 63 платформасына негізделген, бірақ мамандар жол талғамайтын көліктің шассиін, шанағын, моторын және салонын толықтай қайта жасады. Ателье 3375 шақырым жүрген автомобильді 831 мың еуроға (шамамен миллион доллар) бағалап отыр.

1 / 10

• 
• 
• 
• 
• 
• 
• 
• 
• 
• 

1 / 10

Brabus 900 XLP-дің қарапайым «Гелендвагеннен» айырмашылығы — шанақ түрі. Жол талғамайтын көліктің рамасы өзгерді, дөңгелек базасы 500 мм ұлғайып, жүксалғыш пайда болды. XLP төрт есікті кабинасын сақтап қалды. Жүріс бөлігіне портал белдем және 22 дюймдік дөңгелектер орнатылған.

Brabus пикаптың шанағын карбоннан жасалған жаңа бөлшектермен сәндеген. Мысалы, жаңа капот, арка кеңейткіш, бірегей жарықтандыру жүйесі және т.б. Арнайы аксессуарларға көліктің астын, беріліс қорабы мен жанармай багын қорғайтын панель, экспедициялық жүксалғыш, 4.5 тонна жүк тарта алатын шығыр және шанақтағы қауіпсіздік доғасы кіреді. Салоны қызыл элементтері бар қара былғарымен қапталып, карбон қаптамалармен толықты.

1 / 9

• 
• 
• 
• 
• 
• 
• 
• 
• 

1 / 9

Пикап AMG G 63-тің қозғалтқышын сақтап қалғанмен шассиі де, күштік құрылымы да жаңарды. Қозғалтқыш көлемі 4-тен 4.4 литрге ұлғайып, жаңа үрлеу жүйесі, соғылған поршеньдер, өзгеше басқару блогы мен арнайы газ шығару жүйесімен жабдықталды, басқа бөліктері де жақсарды. Нәтижесінде V8-дің қуаты 585-тен 900 ат күшіне артып, айналу моменті 850 Нм-ден 1250 Нм-ге ұлғайды. Алғашқы жүздікті 4.4 секундта еңсереді, ал максимал жылдамдығы — 210 км/сағ.

Brabus топтамасында бұдан қуатты пикаптар бар. Мысалы, былтыр күзде ателье алты дөңгелекті 900 XLP моделін 1.4 миллион еуроға сатты.