Chery марканың дизайн стилі қалай дамитынын көрсететін концептуалды GENE кроссоверін таныстырды. GENE сериялы өндіріске шықпайды, бірақ компания оның кейбір ерекшелігін 2025 жылдан бастап қатардағы машиналарға қолданады.
Шанағында күн батареясы бар бес метрлік электромобиль концептісі артқа ашылатын есігі және формасы өзгеше жүксалғышымен ерекшеленеді. Жүксалғышта әдеттегі есік жоқ. Үстіңгі бөлгі жоғары қайырылып, төменгі бөлігі сыртқа қарай жылжиды. Электрлі скейтборд пен екі квадрокоптер арнайы бөлікте сақталады.
Электромобиль салоны төрт адамға арналған. Жоғары деңгейдегі автопилот болуы мүмкін. Ол іске қосылған кезде рөл алдыңғы панельге кіріп, орындықтар жатуға ыңғайлы болып шалқаяды.
Chery GENE көлігінің күштік құрылымы жайлы ақпарат берген жоқ.
Комментариев: 0