Bodo G-Wagon — гольф алаңында жүретін «гелик»

Наурызда Mecum аукционында Bodo G-Wagon бәссаудаға түседі. Бұл — сырт келбеті G-Class-қа ұқсайтын және салонымен таңғалдыратын екі қатарлы гольфкар.

Машинаның техникалық сипаттамасы таңсық емес. 20 ат күші бар электрлі моторы 10 кВт·сағ литий батареядан қуат алады. Максимал жылдамдығы — 55 км/сағ, жүріс қоры — 120 км. Әрине, толық жетек жүйесі жоқ.

1 / 11

• 
• 
• 
• 
• 
• 
• 
• 
• 
• 
• 

1 / 11

G-Wagon қара түсті экстерьері, артқы жағындағы қосалқы дөңгелек қаптамасы мен қара-күміс түстес дискілерімен G-Class-ты еске салады. Фаралар, бұрылыс шамы және әйнек жуғышы да жұмыс істеп тұр, бірақ көлік жалпы жолда жүруге арналмаған.

1 / 9

• 
• 
• 
• 
• 
• 
• 
• 
• 

1 / 9

Салоны цифрлы аспаптар панелі, сенсорлы экраны бар мультимедиа, электрлі әйнек көтергіш, жылытқыш және кондиционермен жабдықталған. Артқы жолаушылар да назардан тыс қалмады, олар үшін бөлек ақпараттық ойын-сауық жүйесі бар. Бастысы, электр қуаты бәріне жетсе болды.

Бұл Bodo G-Wagon-ның нақты бағасы жарияланбады, бірақ осыған ұқсас көліктердің құны 21 900 доллар (11 млн теңге) шамасында. Мұндай ақшаға Kolesa.kz-тен түпнұсқа G-Class табуға болады, бірақ олардың көбі ескі.