Ford LTD Crown Victoria Country Squire ешқашан раритет болмаған, себебі жыл сайын ондаған мың данасы сатылатын. Бірақ минивэндер мен кроссоверлер осындай машиналарды нарықтан ығыстырғандықтан, біртіндеп ескірді.
Қазір 80 жылдарда шыққан қырлы «Виканы»
Hagerty сауда алаңындағы лот сипаттамасында бұл Ford 1985 жылы шыққаны, соңғы 40 жылда бір отбасының иелігінде болғаны жазылған. 56 300 км жүрген Ford LTD Crown Victoria Country Squire толықтай түпнұсқа жабдықтарын (тек шинасы жаңарған) сақтап қалған, ешқашан боялмаған әрі жол апатына түспеген, 2021 жылдан бері гаражда тұрыпты. Сатушының әкесі — кәсіби механик. Көлікті өзі жөндеп отырған, сондықтан техникалық жағдайы мінсіз деуге болады.
Сол жылғы толық өлшемді Ford модельдері секілді бұл 5.5 метрлік универсал да 5 литрлік V8 Windsor-мен жабдықталған, ол 4 сатылы автомат қорабымен жұптаса жұмыс істейді. Карбюратордың орнын басқан бүрку жүйесіне қарамастан, жанармай үнемдеу бұл машиналарға тән қасиет емес еді.
Сегіз орынды салоны қою қызыл түсті мақпалмен қапталған және өз дәуірінің атмосферасын толық сезінуге мүмкіндік береді. Жүксалғыш бөліміндегі қарама-қарсы орналасқан жолаушы орындықтары да сол заманды еске салады. Қазіргі қауіпсіздік талаптары бұлай істеуге рұқсат бермейді. Жұмсақ орындықтарға жайғасып сапар шеккен балаларға ол қатты ұнағаны анық. Тіпті ойын ойнауға арналған кішкентай үстел болған. Артқы есік бүйірге ашылады, не төмен түсіп, пикникте қолданатын орындыққа айналады.
Сатушы универсал үшін 16 500 доллар (8.4 млн теңгеге жуық) сұрап отыр.
Комментариев: 0