BMW АҚШ-та G70 индексті төрт жүз «жетілікті» (арасында электрлі i7 де бар) кері шақырады. NHTSA концерні берген ақпаратқа сенсек, басқару блогының бағдарламалық жасақтамасынан проблема табылған, салдарынан апат болған жағдайда машинадағы қауіпсіздік жастығы жұмыс істемей қалады.
Мәселе эйрбэг электроникасынан емес, орындық жағдайын бақылайтын модульден шығыпты. Ол қате дерек жіберіп, көлік соғылғанда әрекет ететін барлық жүйені төтенше жағдай режиміне қояды.
BMW i7
Сервистік кампания 397 дана жетінші сериялы BMW-ны қамтиды, оның 305-і 2022 жылғы 5 шілде мен 2023 жылғы 24 қаңтар аралығында шыққан 760i xDrive, 92-сі i7 xDrive60 электромобилі. Ақау ең алдымен былтыр қарашада Еуропа нарығына арналған 735i-ден анықталған. Демек шара АҚШ-тан өзге елдегі машиналарға да әсер етеді. BMW барлық көлік иесіне жеке хабарласады.
Комментариев: 0