BMW шағын F 450 GS-ті көптеп өндіре бастады

2026 жылы BMW GS топтамасы толығады. Ірі R 1300 GS, орта өлшемді F 900 GS және бір цилиндрлі G 310 GS-тің қатарына жаңа F 450 GS қосылады. Марка былтыр көрсеткен концепт ақыры конвейерге тұрды. Шағын тур-эндуро Еуропада келер жылы көктемде саудаланады, АҚШ-қа 2027 жылдың алғашқы тоқсанында жетеді.

1 / 7

1 / 7

Сериялы мотоцикл мен концептінің сырт пішінінде айырмашылық аз. Басты өзгеріс — газ шығару түтігі сериялы көлікте төмен орналасқан. Сондай-ақ байктің артқы бөлігі өзгерген, орындығы ұзынырақ. Ал Trophy картердің алюминий қорғанышымен ерекшеленеді.

Мотоциклдің ұзындығы — 2161 мм, дөңгелек базасы — 1465 мм. Орындық биіктігі стандарт нұсқада — 845 мм, раллиге арналған түрінде — 865 мм. F 450 GS аспасы диаметрі 43 мм KYB ашасы және KYB моноамортизаторымен жабдықталған.

Мотоциклдің қарапайым түрленімі алдында 19 дюймдік, артында 17 дюймдік құйма дискімен жүреді. Ал жол талғамайтын түрі арнайы дөңгелек дискісін алған. Тежеу жүйесі алдыда 310 мм дискілі Brembo суппорты, ал артта 240 мм дискілі ByBre механизмі арқылы жұмыс істейді.

1 / 3

F 450 GS жаңа екі цилиндрлі мотор көмегімен қозғалады, бірақ оның көлемі 450 емес, 420 куб болады. Қозғалтқыш қуаты — 48 ат күші мен 43 Нм. Ол 6 сатылы беріліс қорабы және опция түріндегі Easy Ride Clutch (ERC) жүйесімен жұптасады. 14 литрлік бакты толтырып алған соң 350 км жүруге болады.

F 450 GS-тің жабдықтар тізімінде 6.5 дюймдік аспаптар панелі, USB-C розеткасы, жылытуға болатын рөл және трекшн-бақылау, ABS, квикшифтер сияқты электрондық көмекшілер кешені бар.

1 / 6