BMW-ның ерекше прототипі тыңшылардың көзіне түсті

Еуропада фототыңшылар BMW логотипі бар прототипті суретке түсіріп алды. Автомобильдің арты үлкен болса да, пішіні орта моторлы суперкарға ұқсайды, алдының дизайнына қарап Neue Klasse топтамасына қосылады деген болжам бар. Флагман болуы әбден мүмкін.

1 / 11

• 
• 
• 
• 
• 
• 
• 
• 
• 
• 
• 

1 / 11

BMW мұндай форматтағы автомобильдер туралы ешқандай ресми ақпарат бермеді. Бренд соңғы рет концепт суперкарды 2019 жылы көрсеткен. Ол Vision M NEXT деп аталады.

Суреттерден прототиптің тежеуіш суппорттары жоқ екені де байқалады. Carscoops порталының дереккөздері BMW моторлы дөңгелегі бар жаңа күштік құрылымды сынақтан өткізіп жатыр деді. Компания осындай электрлі қозғалтқыштармен айналысатын DeepDrive стартапына ақша салған.

Басылым жаңа өнім BMW i8-дің ізбасары болады деп топшылады. Қашан жолға шығатыны белгісіз, бірақ 2027 жылға қарай Neue Klasse топтамасында алты модель болады.