Атауында М қосымшасы бар қуатты универсал бавариялық марканың кейінгі тарихында көп болған жоқ. E34 шанағындағы сериялы M5 Touring (1992–1995 жылдар) мен M5 Touring E61 буыны (2007–2010) және 2000 жылғы M3 Touring концептісін (суретте) атауға болады. Енді осындай үшінші көлік жарыққа шығады, ол — қазіргі M3 седанынан (G80) өзгертілген бес есікті 3-Series Touring (G21).
Машина жайлы толық ақпарат жоқ. Бірақ мотор гаммасы мен «эм-туринг» шассиі бірнеше жыл бұрын шыққан 510 ат күшіне ие BMW M3 седанымен бірдей болады деген болжам бар. Универсалдың сырт пішіні қандай болатынын бұған дейін жарияланған шпиондық фотосурет пен компания басшылығының рұқсатымен көрсетілген шанақтың артқы бөлігіне қарап білуге болады.
BMW M3 Touring 23 маусымда жақында ғана таныстырылған BMW M4 CSL-мен бірге әйгілі Гудвудта жұрт назарына ұсынылады. Төрт күндік жылдамдық фестивалі аясында аталған екі машинадан бөлек неміс маркасының өзге де жаңа өнімдіері көрсетіледі, олардың арасында электрлі BMW iX1, i7, i4 және iX M60 бар.
Комментариев: 0