BMW i3-тің суреттері желіде тарады

Компания жаңа Neue Klasse дизайнын алған алғашқы седанды таныстыруға дайындалып жатыр. Ол — батареялы i3. The Supercar Blog басылымы модельдің бірнеше фотосын жариялады.

1 / 4

• 
• 
• 
• 

1 / 4

Автомобиль BMW Vision Neue Klasse концептісіне ұқсайды, бірақ дизайнерлер сериялық нұсқаның радиатор торын ықшамдап, контур жарықпен әрлеген. Машинаның негізгі жарық техникасы жаңа iX3 моделіндегідей екі блоктан тұрады және күндізгі жүріс шамдарының арасына жайғасады. Мамандар i3-ке жасырын есік тұтқасын орнатты. Қытай мұндай шешімді құп көрмейді, жақында басқа елдер де оған тыйым салуы мүмкін.

Интерьер архитектурасы BMW iX3-ке ұқсас. Алдыңғы панельдің пішіні өзгеше болғанмен, жүргізуші мен жолаушыны алдыңғы әйнек жақта орналасқан жіңішке экран, 17.9 дюймдік мультимедиа дисплейі және әйнекке түсетін проекциясы бар жаңа цифрлық кокпит күтіп тұр. Салонында физикалық батырмалар өте аз, функцияларды тачскрин немесе дыбыстық көмекші арқылы басқаруға болады.

Техникалық сипаттамасы туралы ресми ақпарат жоқ, бірақ жаңа өнім BMW iX3-тің күштік құрылымын алатын сияқты. Ол 469 ат күшін (645 Нм) беретін екі электромотор және 108.7 киловатт батареядан тұрады. Жүріс қоры сынақ цикліне (EPA немесе WLTP) байланысты 644-805 шақырымға жетеді.