BMW ерекше M5 жасап, аукционға қояды

16 тамызда Солтүстік Америкада жетінші буын BMW M5 саудаға шығады. АҚШ нарығына арналған суперседанның алғашқы экземпляры Калифорния штатындағы Пеббл-Бичте аукционға қойылады. Автомобиль аукцион үшін арнайы жасалған, оған ұқсас басқа M5 болмайды. Бірақ арнайы нұсқа шанақ пен салонның эксклюзивті әрлеуімен ғана ерекшеленеді.

Арнайы эмканың шанағы Frozen Orange түсіне боялған. Мұндай түс басқа BMW көліктерінде болмайды. Машинаның дөңгелек дискісінде шанаққа сай келетін қызғылт сары реңк бар, ал тежеуіш суппорты күңгірт алтын түсті болады.

1 / 9

• 
• 
• 
• 
• 
• 
• 
• 
• 

1 / 9

Эксклюзивті седанның интерьері ақ және қызғылт сары былғарымен қапталған, әдеттегі M5-те мұндай әрлеу болмайды. Салонда жыл сайын Пеббл-Бичте өтетін Concours d’Elegance фестивалінің символы мен автомобильдің эксклюзивті екенін растайтын #1/1 белгісі көзге түседі.

Ерекше спорткардың жабдықтар тізімінде шанақтағы карбон элемент, ең жоғары жылдамдығын 305 км/сағ-қа шектеу сияқты опциялар бар. Бұл опциялар жинағының бағасы машинаның әдеттегі құннан 57 мың доллар жоғары болады, ерекше седан аукционда қаншаға өтетіні қазірше белгісіз. Оны сатудан түскен қаржы қайырымдылыққа жұмсалады, марка машинаның зауыттық құнын ғана өзінде қалдырады.