BMW автомобильдері басқалардан тез өтеді

iSeeCars сауда алаңы Америка тұрғындарының жаңа және жүрген көліктерді сатып алу жылдамдығын зерттеді. BMW автомобильдері қымбат тұратынына қарамастан, өз иелерін жылдам табатыны көпшілікті таңғалдырды.

Нарық туралы сөз ететін болсақ, дилерге жаңадан шыққан BMW X6-ны сатуға небәрі 10 күн қажет. Kia Rio-ға клиент табу үшін  — 12.7, Ford Maverick-ке — 14.3, Kia Sportage моделіне — 15.5 және Toyota Grand Highlander-ге (соңғы үш модельдің барлығы гибрид) 17.9 күн қажет. Жалпы алғанда жаңа көлікті сатуға орта есеппен бір жарым ай қажет, сондықтан дилер тұрағы ешқашан бос тұрмайды.

Әлемнің кез келген елінде экзотикалық Maserati Quattroporte-ге клиент табу өте ұзақ уақыт алады, дәлірек айтқанда, 137.8 күн.

Жүрген көлік санатында «бавариялық» гибрид BMW X5 алға шықты, оның сатылуына орта есеппен 26.8 күн кетеді. Toyota Highlander, Cadillac XT6 және Lexus NX 350 сияқты танымал жүрген кроссоверді өткізу де аз уақыт алады (шамамен бір ай).

Электрлі көліктердің шетелдегі саудасы қызып тұр деуге келмейді. Мысалы, қуаттау бекеті желісі дамыған елде Kia EV6 шоурумда — 95.9 күн, Ford F-150 Lightning 78.4 күн шаң басып тұр. Электрокардың сұраныс рейтингі бойынша тізім соңына қымбат Mercedes-Benz EQS жайғасқан, оны сату үшін төрт ай кетеді.