Биыл жөндеуден өткен мың шақырымнан аса жол ашылады

Қазір Қазақстанда 6.4 мың шақырым жол салынып жатыр. Мамандар оның 3.6 мыңын жаңартып, 2.8 мың шақырымын жөндеп жатыр. ҚР ИИДМ Автомобиль жолдары комитеті хабарлағандай, жыл аяғына дейін мың шақырымнан аса жол қолданысқа беріледі. Атап айтқанда:

• «Орталық — Оңтүстік» дәлізі, жалпы ұзындығы — 946 км. Қазір трассаның 700 шақырымы (74 %-ы) ашылды. Жол жөндеушілер биыл жыл аяғына дейін тағы 200 шақырымға жаңа асфальт төсеп, қолданысқа береді.
1. Қарағанды — Балқаш, ұзындығы — 363 км, 321 шақырымы ашылды;
2. Балқаш — Бурылбайтал, ұзындығы — 288 км, 183 шақырымы ашылды;
3. Күрті — Бурылбайтал, ұзындығы — 228 км, 179 шақырымы ашылды;
4. Күрті — Қонаев, ұзындығы — 67 км, 30 шақырымы ашылды.

Шенділер 2024 жылы жолды толық қолданысқа беруді жоспарлап отыр.

• Меркі — Бурылбайтал тас жолы, ұзындығы 262 шақырым, оның 62 шақырымы ашылды. Биыл жыл аяғына дейін тағы 120 шақырымын қолданысқа береді. Қалған 80 шақырымы 2024 жылы ашылады. Мамандар жыл аяғына дейін жаңа асфальт төселген жол бөлігін қолданысқа береді. Ал келер жылы жұмысты толық аяқтайды.
• Ақтөбе — Атырау — Ресей шекарасы (Астрахань) тас жолы, 732 км. Қазірге дейін жолдың 630 шақырымнан астамы ашылды.

Атап айтқанда:

1. Ақтөбе — Қандыағаш, ұзындығы — 96 шақырым, 68 шақырымы ашылды.
2. Қандыағаш — Мақат, ұзындығы — 359 км. Негізгі құрылыс жұмысы аяқталды. Нысан биыл жыл аяғына дейін қолданысқа беріледі.
3. Атырау — Ресей шекарасы (Астрахань), ұзындығы — 277 км. 204 шақырымы ашылды, оның 20 шақырымы пайдалануға берілген. Жыл аяғына дейін 40 шақырым жолды толық жөндеп, қолданысқа береді.

Биыл жыл аяғына дейін жаңа асфальт төселген 102 шақырым жолда көлік жүре бастайды, сондай-ақ 382 шақырымнан аса жолды қолданысқа береді. Келер жылы жұмысты толық аяқтайды.

• Батыс Қазақстан облысындағы жол бөліктері. Казталовка — Жәнібек, Өнеге — Бисен — Сайхин, жалпы ұзындығы — 245 км. 185 шақырымы ашылды. Биыл жыл аяғына дейін жаңа асфальт төселген жолда көлік жүре бастайды. Трасса 2024 жылы толық іске қосылады.
• Талдықорған — Қалбатау — Өскемен, 768 шақырым. 670 шақырымы ашылды. Биыл жыл аяғына дейін жаңа асфальт төселген жолды қолданысқа береді. Мамандар 2024 жылы жұмысты толық аяқтап, жол бөлігін толық ашады.
• Үшарал — Достық, 180 км. Негізгі құрылыс жұмысы аяқталды. Нысан биыл жыл аяғына дейін қолданысқа беріледі.

ҚР ИИДМ Автомобиль жолдары комитеті трассаларды жөндеу және жаңарту кезінде құрылыс материалдары қымбаттауына байланысты мәселе туындағанын айтты. Батыс өңірлерге құрылыс материалдарын теміржолмен жеткізу қиынға соққан. Осының бәрі жұмысты дер кезінде аяқтауға кері әсер етті.